الفنان طارق صبري يكشف أسراره نحو النجومية.

اعداد وحوار الكاتبه /رانيا كمال

0 64

Get real time updates directly on you device, subscribe now.

طارق صبري فنان شاب وصل بسبب موهبته الكبيرة لأدوار مهمة في الوسط الفني و الاهم انه وصل لقلوب الجماهير و حقق في وقت قياسي شعبية كبيره

1/ الأول كلمنا عن بداياتك

تخرجت من كلية الهندسة قسم عمارة جامعة

بدأت التمثيل وانا طفل في فريق المدرسة

وتوقفت عنه في الجامعة بسبب ضغط الدراسة ماكنش في وقت اشارك في مسرح الجامعة ولكن كنت باخد ورش تمثيل وبساعد في مشاركات بسيطة

بعد ماتخرجت اشتغلت شوية في مجالي

وبعدها اشتغلت مذيع واستقلت

وبدأت دراسة في المعهد العالي للفنون المسرحية قسم تمثيل وإخراج .

وبدأت العمل في مجال التمثيل اثناء دراستي في معهد الفنون المسرحية في ثانية معهد قمت بدور بسيط في مسلسل كاريوكا ثم الشك بعده بسنة شاركت بأكثر من دور في سنة رابعة معهد وبعد التخرج رجعت الي المسرحيه مرة أخري وبدأت فى عمل مسرحية

” يومًا قتلوا الغناء “وتعتبر من المسرحيات المهمة في حياتي المهنية .

2 / مين مصدر الهامك و قدوتك من الفنانين؟

بحب كل الفنانين وبقتدي بيهم وكان نفسي اشتغل معاهم مثل الأستاذ القدير

نور الشريف ، محمود عبد العزيز ، يحيي الفخراني ، احمد ذكي بالنسبالي مصدر المذاكرة في الفن ،

عمر الشريف اصراره على النجاح و وصله للعالمية قدر يتخطى مكانة كل اللي حواليه لمكانة اكبر خاصة بيه وكثير من الفنانين الكبار

والحمدلله اشتغلت مع الفنان الكبير عادل امام مرتين .

3 / ايه رأيك بما يقدم حاليا” في الوطن العربي من حيث المستوى و القيمة سواء سينما او تلفزيون او مسرح؟

شايف ان في صحوة مسرحية كبيرة

منها المسرح الخاص قدم فيه عرض الفنان محمد هنيدي ، وحاليًا بيقدم فيه عرض الدكتور يحي الفخراني ،

وفي مسرح الدولة قدمت دور “أريوس” في مسرحية

” يا من قتل الغناء ” وهو من أكثر الادوار التي أثرت فيا ..

وايضًا التدخل في الانتاج الفني والمسرحي هيكون له أثر كبير على الوطن العربي كله

شايف الوضع هيكون أفضل لان هذا العام حدث تغير في الاستراتيجيات بالنسبة للشغل في مصر

ومشاكل الانتاج المقتصر على شركات معينة او انتاج غير قوي وبالتأكيد كل هذا له تأثير على الموسم الرمضاني ولكن أظن بعد رمضان سوف يتغير شكل الدراما سيتوفر العمل على مدار السنة

س تكون السينما أقوى لانه لن تكون هناك مبالغة في الأجور

أعتقد ان الأمور سوف تتزن أكثر بعد رمضان .

4 / ايه طموحك و إزاي شايف نفسك بعد كم سنة ؟

طموحاتي ” اتمني ان أكون عند حسن ظن الجمهور واكتسب الثقة والتقدير والمحبة والاحترام من الجماهير ”

مابشوفش نفسي بعد كام سنة ولكن بشوف نفسي بعد كل عمل .

5 / ايه اكتر دور أثر فيك من اعمالك و ليه ؟

دور حسن بن عبد الحكيم في مسلسل البيت الكبير عاش معايا أكبر فترة من الوقت في عمل هذا المسلسل

وتم عرض جزئين وفي جزء ثالث قريبًا ،

حسن من الادوار اللي أثرت فيا جدًا

وأيضا مسلسل ” كتف قانوني ” الذي سوف يذاع في شهر رمضان المقبل

انه يشبه حياته الحقيقية كثيرًا .

6 / ايه الدور اللي بتحلم تعمله و تمثله في مرحلة جاية ؟

نفسي اعمل ادوار كتير بحبها

منها الأدوار التاريخية وخاصة شخصية خالد بن الوليد ورصد السيرة

7 / لو جاتلك الفرصة تقابل حد من نجوم الزمن الجميل هتختار مين و ليه ؟

النجم عمر الشريف دائمًا يخبرني الكثير ان هناك شبه بيننا

و في افتتاح مهرجان سينمائي بالإسكندرية قدمت عرض في فيلم صراع في المينا جسدت فيه دوره

الأستاذ عمر الشريف لما بسمع عن حياته الشخصية له انتماء للمهنة ولكل الناس اللي حواليه انا بقتدي بيه وبحبه جدًا.

 

8 / ايه اهم اعمالك الرمضانية و مشاريعك

الجاية ؟

مسلسل كوميدي ” كتف قانوني ” بطولتي

و من بطولة النجم أحمد بدير ، سارة سلامة ، أحمد سلامه ، نرمين ماهر ، سميرة صدقي ، محمد نجاتي ،وتأليف فتحي الجندي ،وإخراج عادل الاعصر.

9 / ايه مميزات و مساوئ العمل كممثل بالنسبة ليك ؟

مساؤي وعيوب مهنه التمثيل لكل مهنه سهولتها وصعبوتها في نفس التوقيت

وان لكل مهنة ضريبة بتدفع من وقتك ومجهودك وتصرفاتك

10 / ايه نصيحتك للشباب اللي بيفكروا يتجهوا للفن و حاسين أن التمثيل سهل ؟

نصيحه لشباب القدامين علي مجال التمثيل

مفيش حاجة سهلة في المطلق

وفي ناس بتعتمد على علاقتها بالوسط تمثل او ان شكلها وسيم تمثل وكل اللي بيعتمد على العلاقات او الشكل مابيكملش لاخر الطريق لازم تكون عندك لموهبة

“انه بالشغف والمجهود تستطيع القيام بالمعجزات ”

11 / كلمة أخيرة لجمهورك و معجبيك بتوجهها ليهم حصريا” عبر مجلة مملكتي ؟

بهني الشعب المصري وجميع الأمم المسلمين بحلول شهر رمضان الكريم .

Get real time updates directly on you device, subscribe now.

تعليقات
Loading...
error: Content is protected !!