نصائح مي العشرة للسفر (الجزء الثاني)

كتبت_مى فوده

0 253

١١_اتأكدوا كويس إنكم جبتوا الهاند فري بتاعتكم معاكم،عشان لما بتتزنقوا وماتلاقوش حاجة تعملوها وانتوا مسافرين بتقوموا مشغلين أغاني على الموبايل عادي بأعلى صوت وتسمعوا كل الناس معاكم،أنا عارفة الحركات دي ويا سلام بقه لو ذوقكم أغاني شعبي يا خرابي على الجمال يا ناس “صداع من كتر “الفظاعة” وبكده طبعا بنكون وصلنا لأقصى درجة من عدم احترام المساحات وخصوصية الآخرين وعدم الإحساس وعدم كل حاجة الحقيقة،فليه نوصل لكده لما احنا ممكن ماننساش الهاند فري ؟
١٣-جرب حاجات جديدة أكل،شرب،لبس،هدايا،خروجات،تجارب ما تخليش في قاموسك حاجة اسمها أصل أنا عمري ما عملتها، عشان ببساطة كل حاجة فيها أول مرة،خلي دايما في قاموسك أول مرة بس متحمس،اول مرة بس هعملها ،أول مرة ومش هتبقى اخر مرة ،اتسلق جبل على ارتفاع كبير،نط في بحيرة،اركب باراشوت،اعمل سنوركلنج،اركب تليفريك،طير بالأكسجين،نط من طيارة،جرب وأعمل كل اللي نفسك فيه بس ماتتغاشمش،بمعنى ايه؟! هنعمل كل الحاجات دي في أماكن موثوقة سمعتها الكويسة سبقاها،واتأكد من كل احتياطات السلامة الممكنة وما تتسرعش وتأذي نفسك حياتك أهم من أي حاجة بعد ما تتأكد من كل حاجة جمد قلبك واتوكل على ربنا وعيش حياتك
١٤_ابعدوا عن اللون الأبيض خصوصا لو كنتوا من الناس اللي بتحب تاكل براحتها وبتوقع على نفسها
١٥_الميتلون مريح في السفر وإذا اتبهدل أو اتقطع مش هتزعل عليه زي بقيت اللبس
١٦_عينك وسط راسك على شنطك كل شوية
١٧_شنطة ايديكي قدامك مش على جمب
١٨_ماتحطش فلوس أو أي حاجة صغيرة غالية في الشنطة اللي على ظهرك
١٩-للبنات:الطرح الجيل مريحة جدا للسفر،أما إذا عاوزة تعذبي نفسك البسين شيفون أو ساتان
٢٠_لو مسافر بالقطر حاول ماتشربش مية كتير ،عشان ماتحتاجش تدخل الحمام ،عشان على رأي المثل اللي بيقول”من قام على كرسيه ودخل الحمام في القطر اتقل مقداره” ده مش اتقل بس ده اتقل واتبهدل واتشروح كمان والله.

تعليقات
Loading...
error: Content is protected !!